Ана тилни харлима

Мәйли болғин қайси милләт, ана тилдин танмиғин,
Ана тилчүн һәтта қанлар аққузуштин йанмиғин.
Нам - мәнпәәт, абройни дәп ана тилдин чанмиғин,
Саңа әқил - идрак бәргән тилиңни хар қилмиғин.

Қәдди - қамәт, йүрүш - туруш бәлгилимәс милләтни,
Ата тилла берәләйду һечким бәрмәс сөлкәтни.
Ойлап баққин ана тилсиз қалғандики күлпәтни,
Йуқтурмиғин ана тилни хар қилидиған илләтни.

Хатаси йоқ билим үчүн башқа тилни үгиниш,
Чүнки мәқсәд билим елип қалақлиқни түгитиш.
Лекин билсәң номуссизлиқ ана тилдин ваз кечиш,
Шу ваз кечиш елип келәр заваллиққа йүзлиниш.

Вәтини һәм милләтни қоғдимиған әр саналмас,
Вәтән - әлгә көйүнмигән йүрәкликрәк маңалмас.
Милләтму һәм ана тилсиз мәвҗут болуп туралмас,
Биливалғин ана тил баһаси йоқ бир алмас.

                              ***